cantareiras

Serán de Arbo

2012-01-30T23:52:00.001+01:00

O pasado sábado fomos ao serán de Arbo. Alí estabamos todas dispostas a tocar a pandeireta e cantar o que fixera falta. Cando chegou o momento de subir, Tereixa , que estaba rouca, Geni e Rocío, decidiron non subir e quedar abaixo para "animarnos" dixeron.
E abofé qaue nos animaron. Mentras cantabamos non parabamos de escoitar os seus aturuxos, os seus aplausos e os seus berros de ánimo.

Levamos:
- Rumba de Toedo.
- Muiñeira de Lourido.
- Pasodoble de Lasoxo e....
atrevímonos coa Rumba de Miguel do Souto.

E levamos tamén cámara de fotos, aínda que Darío, o fotógrafo, sacou as fotos cortadas e non temos ningunha completa. Deixo a mellor.

Foliada en Paraños

2012-01-22T19:48:00.003+01:00

Comenzou o ano en non paramos de ir de festa e foliada, aínda que nos esquezamos de levar a cámara para "deixar constancia"
Fomos ao serán de Prado da Canda, logo ao serán dos noso veciños de Cabeiras, que foi o venres. Preparamos para este serán a Ribeirana que nos ensinaran América e Emilio o ano pasado,en homenaxe a Emilio, que sabemos que está ben maliño.
Onte fomos a Paraños.
Aínda que a gripe está facendo estragos e as voces estaban en mínimos enfrontámonos ao reto de cantar.... e cantamos!!!!
- Salteado de Toutón
- Agharrado de Cernadelas.
- Baila ti.
- Maneo de Viladabade.
- Palmira.
- Ribeirana de Vilar de Cabeiras.

Mónica tivo que sacar ela as cancións, e xa quedou claro que de agora en diante cantamos con ela.
Aquí queda a proba documental da festa, que esta vez si había cámara de fotos- contan que a foliada durou ata caseque entrada a mañán-

Serán de Lourido

2011-11-18T21:56:00.003+01:00

Neste curso xa fomos cantar a varios seráns: ao serán de Randufe, en A Cañiza e ao serán de Barcela, en Arbo, pero esquecimos levar a cámara para "documentar".

O domingo pasado fomos ao serán de Luorido, en Folgoso de Salvaterra e esta vez, si levamos a cámara de fotos. Levamos:

A rumboia.

Palmira.

Rumba de Toedo.

Maneo de Viladabade.

Pandereteiras

2011-03-29T15:26:00.007+02:00

O blog das pandereteiras de Vide quedouse pasmado unha mañán de xiada, pero agora que chega a primavera imos ver se podemos ilo enchendo pouco a pouco para contar como nos vai, a onde imos e que novas temos.

E empezo agora mesmo:

O sábado fomos ao serán de Vilacoba, levamos:

-"Anda! , que xa non te quero"

- " Montealegre" e

-" Ao baixar do monte"

Estivemos a piques de cambiar a primeira pola Xota de Cabeiras, porque

outras pandereteiras que cantaron antes ca nós tamén a levaban, pero como era outra versión , ao final cantámola igual.

Tocounos cantar a unha da mañán pero a esa hora empezou a festa para nós.

Tocamos c@s de Arbo,

esperamos para tocar e cantar acompañando aos "Catro Langhetas" - os tres nenos "nosos"- e cando marchabamos e o

serán ía acabando ós de Vilacoba pedíronnos que nos quedáramos e lle botaramos "unhas"

E pasounos iso de:

"agora que ma puxeron

a pandeireta na manhe

aghora que ma puxeron

canto aquí a mañanhe"

Montealegre

2011-02-08T13:29:00.001+01:00

Poño aquí Montealegre, dos Carunchos, para afinar ben:

Rumba de Mondariz

2010-10-28T20:14:00.004+02:00

En nada comenzaremos cos cantos de reis, pero antes esta Xota do Barrio do Ceo e Rumba de Mondariz para ir aprendendo

e tamén a Rumba de Anxeriz, que nós coñecemos como Rumba de Toendo

Cantando o nadal

2009-11-11T21:47:00.004+01:00

Xa empezan os ensaios para ir cantar as Xaneiras e mais os Reis, aquí tedes material para ir repasando:

OS CHICHISOS

AS JANEIRAS

Aprendendo das outras

2009-08-02T21:36:00.002+02:00

Se queredes ver como se pode riscar co puño, podeder velo nas de Lilaina

E para aprender a cantiga: Polafías en Cerdedo

17 de maio

2009-05-26T10:50:00.005+02:00

O Día das Letras Galegas fomos ao Instituto de As Neves, acompañando aos nenos e nenas de Vide.

Tocamos a pandeireta, cantamos e logo acompañamos a Ignacio mentras tocaba a gaita.

Nós pensabamos que aos rapaces do Instituto pouco lles podía interesar escoitar a unhas pandereteiras e sorprendeunos o interés e respecto que amosaron escoitando tocar primeiro ás súas compañeiras de Arbo e logo a nós, nais e compañeiras deles.

¡Ata miraban con envexa de non saber cando ao final a gaita, o bombo, o tamboril e as pandeiretas acompañaron ás que se botaron a bailar no medio da pista!.

Serán de Lentille

2009-04-27T12:29:00.005+02:00

O sábado , malia que moitas pandereiteiras tiñan "compromisos", fomos unhas poucas ata o serán de Lentille, que nos parecía obrigado por dúas razóns:
- porque nos chamaron para invitarnos.
- porque son do mesmo concello ca nós: As Neves.

Non había moita xente, pero si moitas pandereteiras para cantar e tocar. E non teñades cuidado que as Pandereteiras de Vide cumpriron como as mellores. Claro que levabamos boas cantigas:

- Regueifa de San Salvador.- que no-la aprendeu Suso
- Foliada de Viladabade que no-la aprendeu a señora Elvira
- Miñeira de Barro de Arén- cantiga que aprendimos de Donicelas.
- Non hai ron- que a sabíamos dende hai tempo

Ana, que xa sabedes que non sube nin de broma, encargouse das fotos, e aínda que había pouca batería, temos un video la mar de bo.

Esta vez parece que escoitar escoitousenos.

Tanxedoras

2009-02-28T22:59:00.004+01:00

Vai a letra da Xota de Lourido das Tanxedoras. Como sabedes, o Cd podedes atopalo na Biblioteca A Dúas:

Xota de Lourido.

Ai Barciademera caíu
ai Barciademera caíu
ai Redondo xa está no chan
ai aldeiña de Lourido
ai esa non cae que ten man
ai esa non cae que ten man
ai lala...

Retrouso:

Ai Sara, Sariña
ai Sara ti e-la miña
Ai Sara, Sarón
ai Sara do corazón

Ai eu tirei cunha pedriña
ai eu tirei cunha pedriña
ai de Marín a Redondela
matei un portuguesiño
que estaba de sentinela
ai que estaba de sentinela
ai lala....

Retrouso
Ai eu tirei unha alaranxa
ai eu tirei unha laranxa
ai de Marín a Portonovo
ai dentro daquela laranxa
ai vai o meu amor todo
ai vai o meu amor todo
ai lalalaa...

Retrouso

Os seráns que veñen

2009-02-16T20:22:00.002+01:00

Estes son os seráns que veñen, via Malmequer así que as pandereteiras xa se escoller "actividades para a fin de semana", de aquí ata o verán, que este ano parece que estamos moi preguiceiras.

Sábado 28 de febreiro
-Serán de de Gargamala (Mondariz)

Sábado 7 de marzo
-Serán de Oliveira (Ponteareas)

Venres 13 de marzo
-Serán da Ermida (Pazos de Borbén)

Sábado 21 de marzo
-Serán de Moreira (Soutomaior)
-Serán en Borreiros (Gondomar)

Sábado 28 de marzo
-Serán en Chaín (Gondomar)
-II Ruada de Catoira

Sábado 18 de abril
-Serán en Fozara (Ponteareas)

Sábado 25 de abril
-III Noite de Fiadeiro (Ramirás)
-Foliada de Melide

Sábado 2 de maio
-Serán de Laxoso (Pontecaldelas)
-IV Serán do Coello en Lourido (Soutomaior)
-I Serán en Boborás (O Carballiño, Ourense)

Sábado 9 de maio
-Serán en Pazos de Borbén na Praza do Concello

Sábado 16 de maio
-Serán en Nespereira (Pazos de Borbén)
-Ruada en Cerdedo

Sábado 30 de maio
-Serán no casino de Antas(A Lama)
-Serán do Coto, en Carballal (Cabral-Vigo)

Sábado 6 de xuño
-Serán do Remuiño en Paraños (Covelo)

para aprender as pandereteiras

2009-02-09T15:17:00.003+01:00

Baila si, de Arán.

Cantos de Reis

2009-01-14T15:52:00.002+01:00

O pasado sábado 3 de Xaneiro os nenos e nenas da Escola Unitaria de Vide, as pandereteiras e @s rapaz@s (e non tanto) cantamos os Reis por Vide adiante. Collimos as nosas pandeiretas, Edorta o acordeón, Mauro o bombo, Darío e Seve o tamboril e o resto puxeron as suas voces e nos subimos ós tractores, decorados para a ocasión e alá fomos. Paramos na Porteliña, na Chan, na Ponte, en Mirenciños, na Gándara e na Carrasqueira. A xente saíu a escoitar os nosos cantos e cantares e ó rematar déronnos un bo aguinaldo que Dina recollía sen que se escapase nin un euro nin unha galdrumada. O roteiro navideño rematou na "Casa da Auga" onde comimos e bebimos. Cos cartos do aguinaldo os nenos decidiron que querían alugar unha colchoneta para saltar todo o día no patio da escola e así será. Esperemos que este sexa o primeiro de moitos anos en que en Vide se escoiten no Nadal os cantos de Reis. Por certo, o vindeiro ano teremos un pandereteiriño ou pandeireteiriña máis entre nós: parabéns pandereteira!!!.

Se souberas

2009-01-14T00:05:00.002+01:00

Aquí esta a cantiga Se souberas do disco madama de Leilía

Cantos de Nadal en Vide

2008-12-04T12:11:00.005+01:00

Os martes á tarde a Unitaria de Vide convírtese nun local de ensaio. Nen@s e maiores xuntámonos para cantar e tocar xa que este Nadal iremos polas casas de Vide cantando os reises e pedindo o aghinaldo, por suposto. As pandereteiras temos que poñernos as pilas porque os máis pequenos nos levan vantaxe e xa saben tódalas cancións. Ademáis de voces e pandeiretas tamén soarán gaitas, acordeón, tamboril e bombo e temos hasta cabra!!!, aínda que non sei si irá... A festa está servida, polo menos pola nosa banda! E xa sabedes dade o aghinaldo porque se non ...

¿A que vos soa isto?

2008-10-16T00:29:00.002+02:00

¡hai que aprendelo!
Son as pandereteiras de Barro de Arén coa Xota de Vilariño.

tocando a pandeireta

2008-10-15T23:44:00.001+02:00

aprendendo:

pandereteiras

2008-07-26T18:14:00.002+02:00

¡Canto tempo sen entrar aqui!

Pero as pandereteiras seguimos tocando e vou ir poñendo aquí videos de pandereteiras e cantigas para ir aprendendo .

Aquí as mulleres de Faltriqueira coa Muiñeira vella de Mordomo.

Agora a Muiñeira de Sabaxáns polo grupo Subela

fumos a Lentille

2008-04-09T20:19:00.002+02:00

O sábado pasado fumos ao serán de Lentille, en Batalláns.E fumos tocar a pandeireta e cantar. Levábamos catro cantigas:A Lauridinha, a muiñeira ribeirana, a muiñeira de Sofán e o Verdegaio, pero como había pouca xente participando pedíronnos que cantáramos outra. Cantamos entón unha xota: a Labrada de COrtellas.Como sempre a megafonía nin se notaba pero como o lugar era pequeno e a xente estaba moi perto de nós, parece que esta vez si se escoitaba algo. Nós quedamos contentas, porque nos gusta cantar e tocar xuntas, e iso foi o que fixemos.

O vindeiro sábado iremos a Crecente, e seguro que o pasamos igual de ben.

Canto de arrolar

2008-03-31T18:31:00.000+02:00

Este neniño pequeno,
quen o vai aturular?
Súa nai vai no muíño
e seu pai vai traballar. Ea.
Este neniño pequeno,
quen lle vai a da-la teta?
Súa nai vai no muíño
e seu pai na leña seca. Ea.
Este neniño pequeno,
Heino de aprender a todo:
a amasar, a peneirar
e a bota-lo pan no forno. Ea, ea.
Este neniño pequeno
heino de mandar á escola;
heille de comprar un bombo
e mais unha castañola. Ea, Ea.

Este canto de arrolar escoiteino hai moito tempo e hoxe recupereino para adicarllo a tódolos pequenos e pequenas e a tódalas nais e pais e tamén para contarvos unha curiosidade: sabíades que o fluxo sanguíneo e os latidos do corazón do bebé mentres está no útero teñen un ritmo ternario, igual que a muiñeira? Cando estabamos no útero materno o noso sangue, o noso corazón ía a ritmo de muiñeira, pero sen repenique, claro. Vai ser por iso que lle damos mais xeito á muiñeira que a jota...

Serán en Lentille

2008-03-28T22:43:00.000+01:00

Arancha e Mari por fin terán foliada. O vindeiro sábado 5 de Abril os nosos veciños de Lentille organizan un serán. Alí estaremos as pandereteiras de Vide e ademais tocaremos dous temas novos: unha muiñeira e "Lauridinha", un tema portugués que fala dunha muller chamada Lauridinha que non ten pensado ser unha Penélope que agarda o seu Ulises facendo punto. Fáltanos saber si Fabiola se atreverá a bailar, porque temos coreografía e todo! Entre o público estará Mateo bailando e pedindo: outra, outra, outra! (animado por Dina, claro) e nós tocaremos outra, a que non pode faltar: "O verde gaio". Seguro que o sábado á noite non tedes nada mellor que facer, así que animádevos e vide a Lentille de festa!.

Bota un aturuxo!

2008-03-03T17:06:00.000+01:00

O aturuxo é un berro típico do folclore galego que se bota nun intre dado dunha peza musical, ben polos músicos ou ben polo público. Con el tenta amosarse a ledicia, a festa que un sinte por dentro. Gústame o aturuxo por salvaxe, por libre, por berro, por non ser unha palabra que perderá o seu sentido, por ser a expresión da ledicia que un sinte e non sabe como explicar, e nós o facemos así: cun berro.
O outro día Sita falaba das "labradas", eu escoitaba con atención as suas explicacións e aquilo era mellor que ver unha película no cine -o cine que tanto boto de menos...-, falaba de como as mulleres xuntábanse para traballar a terra e de como no medio da faena unha botaba un aturuxo e outra lle contestaba, e outra tamén,... e eu lembrei un momento moi especial entre mulleres saharauis: estaban cantando unha canción do seu pobo e unha das mulleres que escoitaba botou un berro similar ó cantar dun paxaro, e outra contestou, e unha das que cantaba tamén, e outra das que escoitaba, foi coma unha conversa entre merlos e xílgaros. Eran aturuxos "á saharaui". Mulleres de foliada, mulleres a traballar no campo, mulleres cantándolle ó deserto: mulleres felices!
O vindeiro 8 de Marzo celébrase o día internacional da muller, desexo que os berros de dor se transformen en aturuxos de felicidade.
Bicos a todas!

videos e pandereteiras

2008-02-21T22:25:00.000+01:00

O 1 de Marzo é o serán de Oliveira, aqui temos as Pandereteiras de Os Muiños de Oliveira en Arteixo.

E en Cervo 2007

De seráns

2008-02-21T19:43:00.000+01:00

En Prado da Canda falárannos dun blog, malmequer, no que atoparíamos información sobre os serán que se ían celebrando na comarca. Visiteino ¿e sabedes o que atopei? un video do serán de Arbo.

E outro do serán de Prado da Canda.

Gracias malmequer polo voso blog,unha visita obrigada

E para que nos vaiamos preparando, ahí vai a lista dos seráns que se van celebrar pola ¿nosa? zona:

Sábado 1 marzo:

-Serán en Santiago de Oliveira (Ponteareas)

Venres 7 marzo:

-Serán na Hermida (Pazos de Borbén)

Sábado 15 marzo:

-Serán en Borreiros (Gondomar)

Sábado 22 marzo:

-Serán en Fozara (Ponteareas)

Sábado 29 marzo:

-Serán en Vilaza (Gondomar)

Sábado 5 abril:

-Serán en Batalláns-Lentille (As Neves)¡ os nosos veciños!

Sábado 12 abril:

-Serán en Angudes (Crecente)

-Serán en San Pedro da Ramallosa (Nigrán)

O serán de Toutón

2008-02-18T22:13:00.000+01:00

O sábado algunhas de nós fomos ó serán de Touton. Cando iamos chegando, as nove da noite, xa escoitabamos os cantares, as pandeiretas e as gaitas, e as que se foron pasadas as tres da mañán, contan que seguían subindo ó escenario grupos de mulleres e homes, novos e vellos, a tocar e cantar.
Foron con nós dúas rapazas novas que era a "súa primeira vez", e repetían: "que pasada, que pasada""menuda festa", e andaban mirar as datas dos seráns que se anunciaban nos carteis pegados nas paredes.
Desta vez decidíramos non apuntarnos para cantar, pero para os seráns de San Pedro da Ramallosa, ou o de Vilaza, en Gondomar, seguro que nos apuntamos. Ás que chegamos máis cedo, sorprendeunos un pouco atopar "postos de venta": rosquillas, galdrumadas..., e que as "tapas" que se ofrecían tivesen un precio un tanto esaxerado: seis euros a tapa de raxo, ou nove euros a de churrasco, pero contan as do final que logo das dúas da mañán repartiuse churrasco, mexilóns, raxo e viño de bale , e tamén chocolate. Non extraña que falaran de "festa rachada" e quedaran a pesares de estar baldadas de tanto cantar e bailar.
Da gusto formar parte de este movemento de recuperación das festas, dos tocares e dos cantares. E que tanta xente nova esté involucrada.
Magoa que ningunha de nos levara cámara de fotos.

Pandereteiras de Vide

2008-02-18T16:33:00.000+01:00

Dende hai un ano un grupo de mulleres, na sua maioría da parroquia de Vide, xuntámonos na Escola un día á semana para aprender a tocar a pandeireta. A nosa mestra Lourdes ensínanos muiñeiras e jotas e entre ferreñas e repeniques aprendemos cancións tradicionais e hasta hai tempo para "adaptar" algunha letra.

Neste ano participamos en varios seráns: Gondomar, Covelo, Arbo e agardamos que chegue o verán para poñer música e festa ás noites de Vide.

E recordade que:

"somos as de Vide

o Sol do Condado

temos os amores

todos a puñados"