Serán de Oliveira

O sábado 10 fumos ao serán de Oliveira.
Mimadriña que de xente! Chegamos ás dez e media e collimos o número 37- estaba cantando o grupo número 6-.
Claro, cantamos ás tres e media da mañán, e pechamos o serán porque os que estaban tras de nós xa decidiran marchar.
Había moitísimos grupos de pandereteiras, os menos foron os gaiteiros.
Pasamos a noite cantando e bailando, cando nos tocou a nós xa estabamos agotadase roucas.
Foi con nós Noa, a pandereteira pequeniña, que como adoecía por tocar subíu a tocar cuns gaiteiros amigos.

Temos a foto dela, que a nosa esqueceusemnos  encargar a alguén de facela.

Serán de Arbo

O pasado sábado fomos ao serán de Arbo. Alí estabamos todas dispostas a tocar a pandeireta e cantar o que fixera falta. Cando chegou o momento de subir, Tereixa , que estaba rouca, Geni e Rocío, decidiron non subir e quedar abaixo para "animarnos" dixeron.
E abofé qaue nos animaron. Mentras cantabamos non parabamos de escoitar os seus aturuxos, os seus aplausos e os seus berros de ánimo.

Levamos:
- Rumba de Toedo.
- Muiñeira de Lourido.
- Pasodoble de Lasoxo e....
atrevímonos coa Rumba de Miguel do Souto.

E levamos tamén cámara de fotos, aínda que Darío, o fotógrafo, sacou as fotos cortadas e non temos ningunha completa. Deixo a mellor.

Foliada en Paraños

Comenzou o ano en non paramos de ir de festa e foliada, aínda que nos esquezamos de levar a cámara para "deixar constancia"
Fomos ao serán de Prado da Canda, logo ao serán dos noso veciños de Cabeiras, que foi o venres. Preparamos para este serán a Ribeirana que nos ensinaran América e Emilio o ano pasado,en homenaxe a Emilio, que sabemos que está ben maliño.
Onte  fomos a Paraños.
Aínda que a gripe está facendo estragos e as voces estaban en mínimos enfrontámonos ao reto de cantar.... e cantamos!!!!
- Salteado de Toutón
- Agharrado de Cernadelas.
- Baila ti.
- Maneo de Viladabade.
- Palmira.
- Ribeirana de Vilar de Cabeiras.

Mónica tivo que sacar ela as cancións, e xa quedou claro que de agora en diante cantamos con ela.
Aquí queda a proba documental da festa, que esta vez si había cámara de fotos- contan que a foliada durou ata caseque entrada a mañán-